غنیمت ہے ہنس کر اگر بات کی
یہاں کس نے کس کی مدارات کی
گھٹن کیوں نہ محسوس ہو شہر میں
ہوا چل پڑی ہے مضافات کی
نظر اس کو میں آتا ہوں ٹھیک ٹھاک
اسے کیا خبر میرے حالات کی
ہمیں آج حق سے بھی محروم ہیں
ہمیں پر تھی بارش مراعات کی
مقدر تو میرا سنوارو گے کیا!
لکیریں مٹا دو مرے ہات کی
زیاں ہی زیاں ہے فقط نفی میں
کوئی اور صورت کر اثبات کی
مکمل نہیں یوں تو کوئی وجود
کمی مجھ میں ہے کون سی بات کی
مأخذ :
- کتاب : Monthly Usloob (Pg. 388)
- Author : Mushfiq Khawaja
- مطبع : Usloob 3D 9—26 Nazimabad karachi 180007 (Oct. õ Nov. 1983,Issue No. 5-6)
- اشاعت : Oct. õ Nov. 1983,Issue No. 5-6
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
