gar be-naqab aariz-e-taban kare koi

gar be-naqāb āriz-e-tābāñ kare koī

īmāñ ko kufr kufr ko īmāñ kare koī

bijlī kī ye chamak ye papīhoñ kī pī kahāñ

uf kis tarah basar shab-e-hijrāñ kare koī

qatre ko maut aa.ī jo dariyā se mil gayā

ab kyā kisī ke ishq kā armāñ kare koī

ham ḳhaak meñ mile to mile lekin ai vafā

kyā fā.eda ki un ko pashemāñ kare koī

ashkoñ ne ghar ko ġhairat-e-sahrā banā diyā

ab kyuuñ junūñ meñ azm-e-bayābāñ kare koī

uThte hue shabāb kī añgḌā.ī al-amāñ

kyoñ ab na chāk-chāk garebāñ kare koī

pahlū meñ jalva-gar hai vo kāfir adā 'valī'

kis tarah zabt shorish-e-pinhāñ kare koī

gar be-naqab aariz-e-taban kare koi

iman ko kufr kufr ko iman kare koi

bijli ki ye chamak ye papihon ki pi kahan

uf kis tarah basar shab-e-hijran kare koi

qatre ko maut aai jo dariya se mil gaya

ab kya kisi ke ishq ka arman kare koi

hum KHak mein mile to mile lekin ai wafa

kya faeda ki un ko pasheman kare koi

ashkon ne ghar ko ghairat-e-sahra bana diya

ab kyun junun mein azm-e-bayaban kare koi

uThte hue shabab ki angDai al-aman

kyon ab na chaak-chaak gareban kare koi

pahlu mein jalwa-gar hai wo kafir ada 'wali'

kis tarah zabt shorish-e-pinhan kare koi