gar bhala manas hai to KHandon se tu mil mil na hans

gar bhalā mānas hai to ḳhandoñ se tū mil mil na hañs

muskurā juuñ ġhuncha par gul kī tarah khil khil na hañs

ro ruvā chāhe jatā rone se jā hai dil se dañg

zañg ho hai dil upar hañsne se aa ai dil na hañs

tū hañse hai maut ko aur maut hañstī hai tujhe

maut ko hañsnā nahīñ hai ḳhuub ai ġhāfil na hañs

aql se hai duur hañsnā dam-ba-dam aaqil ke ta.iiñ

aql hai tū to kisī be-aql par aaqil na hañs

hañs jatā chāhe akelā hañs tū dīvāne kī tarah

par hañsī meñ tū kisī hañste se ho shāmil na hañs

jo hañsī hai aur ko us ne hañsāyā aap ko

is hañsī meñ kuchh nahīñ hāsil hai be-hāsil na hañs

hañste hañste meñ ka.ī ke ghar lage haiñ ḳhālse

zabt kar apnī hañsī 'hātim' tū ab yak til na hañs

gar bhala manas hai to KHandon se tu mil mil na hans

muskura jun ghuncha par gul ki tarah khil khil na hans

ro ruwa chahe jata rone se ja hai dil se dang

zang ho hai dil upar hansne se aa ai dil na hans

tu hanse hai maut ko aur maut hansti hai tujhe

maut ko hansna nahin hai KHub ai ghafil na hans

aql se hai dur hansna dam-ba-dam aaqil ke tain

aql hai tu to kisi be-aql par aaqil na hans

hans jata chahe akela hans tu diwane ki tarah

par hansi mein tu kisi hanste se ho shamil na hans

jo hansi hai aur ko us ne hansaya aap ko

is hansi mein kuchh nahin hasil hai be-hasil na hans

hanste hanste mein kai ke ghar lage hain KHalse

zabt kar apni hansi 'hatim' tu ab yak til na hans