gar kahin usko jalwa-gar dekha

gar kahīñ us ko jalva-gar dekhā

na gayā ham se aañkh bhar dekhā

naala har chand ham ne gar dekhā

aah ab tak na kuchh asar dekhā

aaj kyā jī meñ aa gayā tere

mutabassim ho jo idhar dekhā

aa.ine ko to muñh dikhāte ho

kyā huā ham ne bhī agar dekhā

dil-rubā aur bhī haiñ par zālim

koī tujh sā na muft par dekhā

aur bhī sang-dil huā vo shoḳh

terā ai aah bas asar dekhā

minnat o ājizī o zaarī o aah

tere aage hazār kar dekhā

to bhī tū ne na ai mah-e-be-mehr

nazar-e-rahm se idhar dekhā

sach hai 'bedār' vo hai āfat-e-jān

ham ne bhī qissa-muḳhtasar dekhā

gar kahin us ko jalwa-gar dekha

na gaya hum se aankh bhar dekha

nala har chand hum ne gar dekha

aah ab tak na kuchh asar dekha

aaj kya ji mein aa gaya tere

mutabassim ho jo idhar dekha

aaine ko to munh dikhate ho

kya hua hum ne bhi agar dekha

dil-ruba aur bhi hain par zalim

koi tujh sa na muft par dekha

aur bhi sang-dil hua wo shoKH

tera ai aah bas asar dekha

minnat o aajizi o zari o aah

tere aage hazar kar dekha

to bhi tu ne na ai mah-e-be-mehr

nazar-e-rahm se idhar dekha

sach hai 'bedar' wo hai aafat-e-jaan

hum ne bhi qissa-muKHtasar dekha