gar nashe mein koi be-fikr-o-tammul bandhe

gar nashe meñ koī be-fikr-o-ta.ammul bāñdhe

chashm-e-mai-gūñ ko tirī jām-e-pur-az-mul bāñdhe

zikr-e-qāmat meñ agar fikr taraqqī na kare

rashk-e-tūbā to likhe go ba-tanazzul bāñdhe

tab.a kī silsila-jumbāñ jo pareshānī ho

gesū-e-ġhāliya sā ko tire sumbul bāñdhe

naala to vo hai ki ghabrā ke uThā de parda

lek nazzāre kī himmat bhī tahammul bāñdhe

kuchh na ban aa.egī jab luuT machāegī ḳhizāñ

ġhuncha har chand girah kas ke zar-e-gul bāñdhe

rū-ba-rū us ke lab-e-arz-e-tamannā na hile

zor-e-afsūn-e-nazar se ga.e bilkul bāñdhe

haiñ tire band-e-qabā uqda-e-dushvār mire

ki jo khole na khule aur jo ga.e khul bāñdhe

na bache par na bache sail-e-fanā se na bache

gar koī kañgura-e-charḳh pe bhī pul bāñdhe

aañkh khulne bhī na paa.ī thī ki us ne fauran

band burqe ke ba-andāz-e-taġhāful bāñdhe

haa.e vo said ki sayyād ke pīchhe lapke

sar ko fitrāk pe har-dam ba-tafāvul bāñdhe

gar nashe mein koi be-fikr-o-tammul bandhe

chashm-e-mai-gun ko teri jam-e-pur-az-mul bandhe

zikr-e-qamat mein agar fikr taraqqi na kare

rashk-e-tuba to likhe go ba-tanazzul bandhe

taba ki silsila-jumban jo pareshani ho

gesu-e-ghaaliya sa ko tere sumbul bandhe

nala to wo hai ki ghabra ke uTha de parda

lek nazzare ki himmat bhi tahammul bandhe

kuchh na ban aaegi jab luT machaegi KHizan

ghuncha har chand girah kas ke zar-e-gul bandhe

ru-ba-ru us ke lab-e-arz-e-tamanna na hile

zor-e-afsun-e-nazar se gae bilkul bandhe

hain tere band-e-qaba uqda-e-dushwar mere

ki jo khole na khule aur jo gae khul bandhe

na bache par na bache sail-e-fana se na bache

gar koi kangura-e-charKH pe bhi pul bandhe

aankh khulne bhi na pai thi ki us ne fauran

band burqe ke ba-andaz-e-taghaful bandhe

hae wo said ki sayyaad ke pichhe lapke

sar ko fitrak pe har-dam ba-tafawul bandhe