gar talli par hai wahm-e-imtihan-e-mai-farosh

gar ta.allī par hai vahm-e-imtihān-e-mai-farosh

be-nishāñ ho kar nikāleñge nishān-e-mai-farosh

sajde karte haiñ ḳhum-e-mai ko vufūr-e-nashshā meñ

sūrat mīnā-e-mai maddāh shān-e-mai-farosh

jām-o-mīnā-o-surāhī-o-subū se be-gumāñ

sāqī-e-mushfiq pe hotā hai gumān-e-mai-farosh

bhaTTiyoñ par jā ke pūchheñge bahār aane to do

ālam-e-mastī meñ mastoñ se bayān-e-mai-farosh

shīsha-o-jām-o-surāhī-o-subū kyā maal haiñ

baḳhsh deñge josh-e-mastī meñ dukān-e-mai-farosh

mai-kade meñ duḳht-e-raz ko lā biThā.eñge zarūr

pahlū-e-mīnā-e-dil meñ mehmān-e-mai-farosh

jaam āñkheñ haiñ to baada ashk hai shīsha hai dil

dekh o mai-nosh maiñ bhī huuñ labān-e-mai-e-farosh

kis qadar chamkā huā hai bāda-e-gulgūñ kā daur

ek aalam āj-kal hai mehmān-e-mai-farosh

maiñ bhī huuñ ik sāqī-e-mai-nosh tere daur meñ

kafsh-bardār-e-sharīk-e-ḳhādinmān-e-mai-farosh

ḳhum ke ḳhum kar duuñ tahī dam-bhar meñ vo mai-nosh huuñ

ai 'shagufta' haath aa.e gar dukān-e-mai-farosh

gar talli par hai wahm-e-imtihan-e-mai-farosh

be-nishan ho kar nikalenge nishan-e-mai-farosh

sajde karte hain KHum-e-mai ko wufur-e-nashsha mein

surat mina-e-mai maddah shan-e-mai-farosh

jam-o-mina-o-surahi-o-subu se be-guman

saqi-e-mushfiq pe hota hai guman-e-mai-farosh

bhaTTiyon par ja ke puchhenge bahaar aane to do

aalam-e-masti mein maston se bayan-e-mai-farosh

shisha-o-jam-o-surahi-o-subu kya mal hain

baKHsh denge josh-e-masti mein dukan-e-mai-farosh

mai-kade mein duKHt-e-raz ko la biThaenge zarur

pahlu-e-mina-e-dil mein mehman-e-mai-farosh

jam aankhen hain to baada ashk hai shisha hai dil

dekh o mai-nosh main bhi hun laban-e-mai-e-farosh

kis qadar chamka hua hai baada-e-gulgun ka daur

ek aalam aaj-kal hai mehman-e-mai-farosh

main bhi hun ek saqi-e-mai-nosh tere daur mein

kafsh-bardar-e-sharik-e-KHadinman-e-mai-farosh

KHum ke KHum kar dun tahi dam-bhar mein wo mai-nosh hun

ai 'shagufta' hath aae gar dukan-e-mai-farosh