گر ترا در کھلا نہیں ہوتا

گر ترا در کھلا نہیں ہوتا

پھر کوئی آسرا نہیں ہوتا

تب بھی کشتی خدا چلاتا ہے

جب کوئی ناخدا نہیں ہوتا

دل سے کہتا ہوں میں مرا ہو جا

پر وہ کہتا ہے جا نہیں ہوتا

کر تو لیتے ہیں وصل کا وعدہ

پر وہ وعدہ وفا نہیں ہوتا

عقل یہ بار بار کہتی ہے

دل کسی کا سگا نہیں ہوتا

اب کہاں ڈھونڈھتا ہے خوشحالی

ماں کے قدموں میں کیا نہیں ہوتا

آؤ الفت جہان میں بانٹیں

نفرتوں سے بھلا نہیں ہوتا

نرم لہجے میں بات کرنے سے

کام دنیا میں کیا نہیں ہوتا

مر کے بھی ملک کی وفاؤں کا

قرض ہم سے ادا نہیں ہوتا