گر اس کی سمت میں اپنا گمان کر لوں گی

گر اس کی سمت میں اپنا گمان کر لوں گی

وجود اس کا میں پھر اپنی جان کر لوں گی

کبھی جو اس نے مجھے پیار سے پکار لیا

میں اس کے نام کو ورد زبان کر لوں گی

جو ہو سکے تو مجھے لے چلو افق کے پار

میں تیرے ساتھ یہ اونچی اڑان کر لوں گی

ترے خیال کی محفل ہو اور چائے ہو

تو شعر کہہ کے میں دل شادمان کر لوں گی

زبان چپ تو ہے لیکن میں چپ رہوں گی نہیں

میں خامشی میں بھی سب کچھ بیان کر لوں گی

اتار کر کبھی دھرتی پہ اک ستارے کو

زمیں کو اپنی میں پھر آسمان کر لوں گی