gar yahi waza hai aur hain yahi haihat nasib

gar yahī vaz.a hai aur haiñ yahī haihāt nasīb

to hameñ ho chukī bas us se mulāqāt nasīb

ham lab-e-gor hue ḳhūñ-ba-jigar is ġham se

karnī us ġhuncha-dahan se na huī baat nasīb

sub.h har roz isī ġham meñ hameñ hotī hai shaam

aah jāgeñge mire kaun sī ab raat nasīb

kuchh hameñ shikva nahīñ jaur se tere hargiz

ham hamesha se haiñ ai jaan kuchh āfāt nasīb

masjidoñ meñ phire nit sub.ha phirāte 'hairāñ'

shaiḳh jī par na huī tum ko karāmāt nasīb

gar yahi waza hai aur hain yahi haihat nasib

to hamein ho chuki bas us se mulaqat nasib

hum lab-e-gor hue KHun-ba-jigar is gham se

karni us ghuncha-dahan se na hui baat nasib

subh har roz isi gham mein hamein hoti hai sham

aah jagenge mere kaun si ab raat nasib

kuchh hamein shikwa nahin jaur se tere hargiz

hum hamesha se hain ai jaan kuchh aafat nasib

masjidon mein phire nit subha phiraate 'hairan'

shaiKH ji par na hui tum ko karamat nasib