gar zaban zulm-o-sitam ki na duhai degi

gar zabāñ zulm-o-sitam kī na duhā.ī degī

amn kī raah bhalā kaise dikhā.ī degī

ik zarā ḳhauf ke 'ālam se nikalnā hogā

terī āvāz zamāne ko sunā.ī degī

qaid yūsuf ko hī kar leñge zamāne vaale

ye zuleḳhā to bas ik baar safā.ī degī

vo samā'at mujhe baḳhshī hai mohabbat ne sanam

terī dhaḌkan bhī yahāñ mujh ko sunā.ī degī

dil ne ik baar jo tūfān meñ kashtī Daalī

'aql ko phir na koī baat sujhā.ī degī

dil meñ ġham ho to ye duniyā bhī lagegī ġhamgīñ

dil ho rangīn to rangīn dikhā.ī degī

us se duurī kā natīja hai mirī dar-ba-darī

us kī qurbat se hī ab raah dikhā.ī degī

gar zaban zulm-o-sitam ki na duhai degi

amn ki rah bhala kaise dikhai degi

ek zara KHauf ke 'alam se nikalna hoga

teri aawaz zamane ko sunai degi

qaid yusuf ko hi kar lenge zamane wale

ye zuleKHa to bas ek bar safai degi

wo sama'at mujhe baKHshi hai mohabbat ne sanam

teri dhaDkan bhi yahan mujh ko sunai degi

dil ne ek bar jo tufan mein kashti Dali

'aql ko phir na koi baat sujhai degi

dil mein gham ho to ye duniya bhi lagegi ghamgin

dil ho rangin to rangin dikhai degi

us se duri ka natija hai meri dar-ba-dari

us ki qurbat se hi ab rah dikhai degi