garam-e-talash-o-justuju ab hai teri nazar kahan

Asghar Gondvi

garam-e-talash-o-justuju ab hai teri nazar kahan

Asghar Gondvi

MORE BYAsghar Gondvi

    garm-e-talāsh-o-justujū ab hai tirī nazar kahāñ

    ḳhuun hai kuchh jamā huā qalb kahāñ jigar kahāñ

    hai ye tarīq-e-āshiqī chāhiye is meñ be-ḳhudī

    is meñ chunāñ-chunīñ kahāñ is meñ agar magar kahāñ

    zulf thī jo bikhar ga.ī ruḳh thā ki jo nikhar gayā

    haa.e vo shaam ab kahāñ haa.e vo ab sahar kahāñ

    kījiye aaj kis tarah dauḌ ke sajda-e-niyāz

    ye bhī to hosh ab nahīñ paañv kahāñ hai sar kahāñ

    haa.e vo din guzar ga.e joshish-e-iztirāb ke

    niind qafas meñ aa ga.ī ab ġham-e-bāl-o-par kahāñ

    hosh o ḳhirad ke phere meñ umr-e-azīz sarf

    raat to kaT ga.ī yahāñ dekhiye ho sahar kahāñ

    garm-e-talash-o-justuju ab hai teri nazar kahan

    KHun hai kuchh jama hua qalb kahan jigar kahan

    hai ye tariq-e-ashiqi chahiye is mein be-KHudi

    is mein chunan-chunin kahan is mein agar magar kahan

    zulf thi jo bikhar gai ruKH tha ki jo nikhar gaya

    hae wo sham ab kahan hae wo ab sahar kahan

    kijiye aaj kis tarah dauD ke sajda-e-niyaz

    ye bhi to hosh ab nahin panw kahan hai sar kahan

    hae wo din guzar gae joshish-e-iztirab ke

    nind qafas mein aa gai ab gham-e-baal-o-par kahan

    hosh o KHirad ke phere mein umr-e-aziz sarf ki

    raat to kaT gai yahan dekhiye ho sahar kahan

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY