garche ai dil aashiq-e-shaida hai tu

garche ai dil āshiq-e-shaidā hai tū

lekin apne kaam meñ yaktā hai tū

āshiq o ma.ashūq kartā hai judā

ai falak ye kaam bhī kartā hai tū

laakh parde gar hoñ tere husn par

koī pardoñ meñ chhupā rahtā hai tū

hāl-e-dil kahne lagūñ huuñ maiñ to shoḳh

mujh se yuuñ kahtā hai ''kyā baktā hai tuu''

paas baiThā us ke maiñ royā kiyā

yuuñ na pūchhā mujh se ''kyūñ rotā hai tuu''

raat din tū hai mirī āġhosh meñ

maiñ tirā sāhil mirā dariyā hai tū

bazm meñ us tund-ḳhū kī dauḌ dauḌ

kaam kyaa? kyūñ? kis liye jaatā hai tū

vaañ nahīñ mutlaq tirā mazkūr bhī

'mus.hafī' kis baat par bhūlā hai tū

garche ai dil aashiq-e-shaida hai tu

lekin apne kaam mein yakta hai tu

aashiq o mashuq karta hai juda

ai falak ye kaam bhi karta hai tu

lakh parde gar hon tere husn par

koi pardon mein chhupa rahta hai tu

haal-e-dil kahne lagun hun main to shoKH

mujh se yun kahta hai kya bakta hai tu

pas baiTha us ke main roya kiya

yun na puchha mujh se kyun rota hai tu

raat din tu hai meri aaghosh mein

main tera sahil mera dariya hai tu

bazm mein us tund-KHu ki dauD dauD

kaam kya? kyun? kis liye jata hai tu

wan nahin mutlaq tera mazkur bhi

'mushafi' kis baat par bhula hai tu