gard-baad-e-safar se Dar jate

gard-bād-e-safar se Dar jaate

rā.egāñ umroñ ke safar jaate

bachchoñ kī tarah zid ke pakke the

kaise tere baġhair ghar jaate

bojh lagne lage the jab itne

apne va.adoñ se tum mukar jaate

ham the dīvār se lagī tasvīr

aaj nā kal sahī utar jaate

ai mohabbat Thahar ke aa jaatī

ye kaḌe vaqt to guzar jaate

zindagī ke liye zarūrī thā

vaqt par chand ḳhvāb mar jaate

umr bhar rukne kā kahā kis ne

bas ghaḌī do-ghaḌī Thahar jaate

chāra-gar baat ik nazar kī thī

aur mire saare zaḳhm bhar jaate

gard-baad-e-safar se Dar jate

raegan umron ke safar jate

bachchon ki tarah zid ke pakke the

kaise tere baghair ghar jate

bojh lagne lage the jab itne

apne wadon se tum mukar jate

hum the diwar se lagi taswir

aaj na kal sahi utar jate

ai mohabbat Thahar ke aa jati

ye kaDe waqt to guzar jate

zindagi ke liye zaruri tha

waqt par chand KHwab mar jate

umr bhar rukne ka kaha kis ne

bas ghaDi do-ghaDi Thahar jate

chaara-gar baat ek nazar ki thi

aur mere sare zaKHm bhar jate