gard-baad-e-sharar hain hum log

gard-bād-e-sharār haiñ ham log

kis ke jī kā ġhubār haiñ ham log

aa ki hāsil ho nāz-e-izz-o-sharaf

aa tirī rahguzār haiñ ham log

be-kajāva hai nāqa-e-duniyā

aur zaḳhmī savār haiñ ham log

jabr ke baab meñ farozāñ haiñ

hāsil-e-iḳhtiyār haiñ ham log

phir badan meñ thakan kī gard liye

phir lab-e-jū-e-bār haiñ ham log

bād-e-sarsar kabhī to bād-e-sumūm

mauja-e-ḳhāksār haiñ ham log

chashm-e-nargis magar aliil bhī hai

kis liye be-kanār haiñ ham log

gard-baad-e-sharar hain hum log

kis ke ji ka ghubar hain hum log

aa ki hasil ho naz-e-izz-o-sharaf

aa teri rahguzar hain hum log

be-kajawa hai naqa-e-duniya

aur zaKHmi sawar hain hum log

jabr ke bab mein farozan hain

hasil-e-iKHtiyar hain hum log

phir badan mein thakan ki gard liye

phir lab-e-ju-e-bar hain hum log

baad-e-sarsar kabhi to baad-e-sumum

mauja-e-KHaksar hain hum log

chashm-e-nargis magar alil bhi hai

kis liye be-kanar hain hum log