gard mein aT rahe hain ehsasat

gard meñ aT rahe haiñ ehsāsāt

dhīme dhīme baras rahī hai raat

jal uThā ik charāġh-e-shām to kyā

bujh ga.e be-shumār imkānāt

haa.e maazī kī dil-nashīñ yādeñ

haa.e ḳhuñḳhār bheḌiyoñ kī barāt

chyūñTiyāñ jaise zehan par reñgeñ

uf ye mere latīf ehsāsāt

bhuut ban kar mujhe Darātī rahīñ

merī nā-āfrīda taḳhlīqāt

kaun aayā mire ta.āqub meñ

vahī fikr-o-ḳhayāl ke jinnāt

daf.atan kis ne qahqaha maarā

ye añdhere meñ kaun hai mire saat

sarsar-e-shab kahāñ ki pattoñ meñ

karb-e-ġham se karāhtī hai hayāt

mujh se mujh ko na chhīn kar le jaa.e

shāhzādī-e-kishvar-e-zulmāt

sub.h jaagā to yaad bhī na rahā

raat thī chāñdnī ki chāñdnī raat

tūda-e-reg o naḳhl-e-ḳhushk-e-chīnār

chhup ga.ī kis kī oT meñ barsāt

ye daraḳht-e-kuhan lisān-ul-ġhaib

aur ye shāḳh-e-ḳhushk barg-e-nabāt

kyā yahī hai 'ra.īs'-amrohvī

uḌ ke aa.e haiñ duur se zarrāt

gard mein aT rahe hain ehsasat

dhime dhime baras rahi hai raat

jal uTha ek charagh-e-sham to kya

bujh gae be-shumar imkanat

hae mazi ki dil-nashin yaaden

hae KHunKHar bheDiyon ki baraat

chyunTiyan jaise zehan par rengen

uf ye mere latif ehsasat

bhut ban kar mujhe Daraati rahin

meri na-afrida taKHliqat

kaun aaya mere taaqub mein

wahi fikr-o-KHayal ke jinnat

dafatan kis ne qahqaha mara

ye andhere mein kaun hai mere sat

sarsar-e-shab kahan ki patton mein

karb-e-gham se karahti hai hayat

mujh se mujh ko na chhin kar le jae

shahzadi-e-kishwar-e-zulmat

subh jaga to yaad bhi na raha

raat thi chandni ki chandni raat

tuda-e-reg o naKHl-e-KHushk-e-chinar

chhup gai kis ki oT mein barsat

ye daraKHt-e-kuhan lisan-ul-ghaib

aur ye shaKH-e-KHushk barg-e-nabaat

kya yahi hai 'rais'-amrohwi

uD ke aae hain dur se zarraat