ghariq-e-jalwa kisi jalwa-gar ko kya dekhe

ġharīq-e-jalva kisī jalva-gar ko kyā dekhe

jo terī dhun meñ chalā rahguzar ko kyā dekhe

sahar ke saath hī sar par chaḌhā pahāḌ sā din

sar-e-ḳhamīda jamāl-e-sahar ko kyā dekhe

dabe hue haiñ makīñ bār-e-sañg-e-āhan se

ġharīb-e-shahr yahāñ bām-o-dar ko kyā dekhe

musāfiroñ kī tarah manzileñ safar meñ haiñ

kidhar ko jaa.e koī rahguzar ko kyā dekhe

lagan hai sab ko siyāsat kī dhun hai daulat kī

ab is junūñ meñ koī ḳhair-o-shar ko kyā dekhe

sukhī huuñ ghar pe lagā kar ḳhulūs kī taḳhtī

ab aa.e kaun udhar mere ghar ko kyā dekhe

na.e nisāb meñ tīr-e-nazar kā baab nahīñ

so chāragar mire zaḳhm-e-jigar ko kyā dekhe

ghariq-e-jalwa kisi jalwa-gar ko kya dekhe

jo teri dhun mein chala rahguzar ko kya dekhe

sahar ke sath hi sar par chaDha pahaD sa din

sar-e-KHamida jamal-e-sahar ko kya dekhe

dabe hue hain makin bar-e-sang-e-ahan se

gharib-e-shahr yahan baam-o-dar ko kya dekhe

musafiron ki tarah manzilen safar mein hain

kidhar ko jae koi rahguzar ko kya dekhe

lagan hai sab ko siyasat ki dhun hai daulat ki

ab is junun mein koi KHair-o-shar ko kya dekhe

sukhi hun ghar pe laga kar KHulus ki taKHti

ab aae kaun udhar mere ghar ko kya dekhe

nae nisab mein tir-e-nazar ka bab nahin

so chaaragar mere zaKHm-e-jigar ko kya dekhe