garm-e-fariyaad rakha shakl-e-nihaali ne mujhe

garm-e-fariyād rakhā shakl-e-nihālī ne mujhe

tab amaañ hijr meñ dī bard-e-layālī ne mujhe

nisyah-o-naqd-e-do-ālam kī haqīqat mālūm

le liyā mujh se mirī himmat-e-ālī ne mujhe

kasrat-ārā.i-e-vahdat hai parastārī-e-vahm

kar diyā kāfir in asnām-e-ḳhayālī ne mujhe

havas-e-gul ke tasavvur meñ bhī khaTkā na rahā

ajab ārām diyā be-par-o-bālī ne mujhe

zindagī meñ bhī rahā zauq-e-fanā kā maarā

nashsha baḳhshā ġhazab us sāġhar-e-ḳhālī ne mujhe

bas-ki thī fasl-e-ḳhizān-e-chamanistān-e-suḳhan

rañg-e-shohrat na diyā tāza-ḳhayālī ne mujhe

jalva-e-ḳhur se fanā hotī hai shabnam 'ġhālib'

kho diyā satvat-e-asmā-e-jalālī ne mujhe

garm-e-fariyaad rakha shakl-e-nihaali ne mujhe

tab aman hijr mein di bard-e-layali ne mujhe

nisyah-o-naqd-e-do-alam ki haqiqat malum

le liya mujh se meri himmat-e-ali ne mujhe

kasrat-arai-e-wahdat hai parastari-e-wahm

kar diya kafir in asnam-e-KHayali ne mujhe

hawas-e-gul ke tasawwur mein bhi khaTka na raha

ajab aaram diya be-par-o-baali ne mujhe

zindagi mein bhi raha zauq-e-fana ka mara

nashsha baKHsha ghazab us saghar-e-KHali ne mujhe

bas-ki thi fasl-e-KHizan-e-chamanistan-e-suKHan

rang-e-shohrat na diya taza-KHayali ne mujhe

jalwa-e-KHur se fana hoti hai shabnam 'ghaalib'

kho diya satwat-e-asma-e-jalali ne mujhe