garm rakkhe hai abhi tak bhi ruKH-e-yar ki aanch

garm rakkhe hai abhī tak bhī ruḳh-e-yār kī aañch

vo dahaktī huī sūrat lab-o-ruḳhsār kī aañch

peT kī aag hī kyā kam thī jalāne ke liye

ghar ke ghar raakh kiye detī hai bāzār kī aañch

pahle aatī thī sabā le ke guloñ kī ḳhushbū

ab to sahrā ko jalā detī hai gulzār kī aañch

garm-joshī ke bhulāve meñ agar aa bhī ga.e

Thaharne hī nahīñ degī kisī dīvār kī aañch

vaqt se bhī na bujhī hai ye vo ātish 'ġhālib'

ruuh ko aaj bhī garmā.e hai ash.ār kī aañch

shahr jal jaate haiñ is aañch meñ dhīme dhīme

aur mahsūs nahīñ hotī hai aḳhbār kī aañch

ye jo ehsās hai duurī ko miTā detā hai

ham ko is paar lagā kartī hai us paar kī aañch

garm rakkhe hai abhi tak bhi ruKH-e-yar ki aanch

wo dahakti hui surat lab-o-ruKHsar ki aanch

peT ki aag hi kya kam thi jalane ke liye

ghar ke ghar rakh kiye deti hai bazar ki aanch

pahle aati thi saba le ke gulon ki KHushbu

ab to sahra ko jala deti hai gulzar ki aanch

garm-joshi ke bhulawe mein agar aa bhi gae

Thaharne hi nahin degi kisi diwar ki aanch

waqt se bhi na bujhi hai ye wo aatish 'ghaalib'

ruh ko aaj bhi garmae hai ashaar ki aanch

shahr jal jate hain is aanch mein dhime dhime

aur mahsus nahin hoti hai aKHbar ki aanch

ye jo ehsas hai duri ko miTa deta hai

hum ko is par laga karti hai us par ki aanch