garmi-e-hangama ghaalib go teri mahfil mein hai

garmī-e-hangāma ġhālib go tirī mahfil meñ hai

ik hujūm-e-nā-murādī ab bhī tere dil meñ hai

maqbare tārīḳh ke haiñ ye rivāyat ke khañDar

ik na.ī duniyā bhī lekin batn-e-mustaqbil meñ hai

soz-e-mahrūmī se khilte haiñ sarāboñ ke kañval

lazzat-e-be-nām sī ik sa’i-e-lā-hāsil meñ hai

phuul ban kar muskurāne kī tamannā thī kabhī

ek tūfān-e-havādis ab kalī ke dil meñ hai

zindagī roī hai sadiyoñ jabr par tahzīb ke

haa.e vo aañsū magar jo chashm-e-mustaqbil meñ hai

garmi-e-hangama ghaalib go teri mahfil mein hai

ek hujum-e-na-muradi ab bhi tere dil mein hai

maqbare tariKH ke hain ye riwayat ke khanDar

ek nai duniya bhi lekin batn-e-mustaqbil mein hai

soz-e-mahrumi se khilte hain sarabon ke kanwal

lazzat-e-be-nam si ek sa’i-e-la-hasil mein hai

phul ban kar muskurane ki tamanna thi kabhi

ek tufan-e-hawadis ab kali ke dil mein hai

zindagi roi hai sadiyon jabr par tahzib ke

hae wo aansu magar jo chashm-e-mustaqbil mein hai