garmi-e-KHun ulajhne lagi aaKHiri munjamid pahr se

garmī-e-ḳhūñ ulajhne lagī āḳhirī munjamid pahr se

dekhiye ab guzarte haiñ ham kis qayāmat ke shab-e-shahr se

yuuñ lage dard-baḳhshīda kī ibtidā bhī ik intihā

sañg chāTe lab-e-ishtihā pyaas bujhtī nahīñ zahr se

muntazir aañkh ke des meñ koī chhuTTī bhī aayā nahīñ

kaun āfiyyat-e-dostāñ lā.egā dūsre shahar se

mere andar kī nā-puḳhtagī jism bāhar ke bhī Dah ga.ī

ghar ke ghar zer-e-āb aa ga.e ik shigāfī huī nahr se

merī raa.e meñ 'iqbāl' vo nasl duniyā meñ hai aur nahīñ

jis ne baḳhshā na kuchh vaqt ko jis ne paayā na kuchh dahr se

garmi-e-KHun ulajhne lagi aaKHiri munjamid pahr se

dekhiye ab guzarte hain hum kis qayamat ke shab-e-shahr se

yun lage dard-baKHshida ki ibtida bhi ek intiha

sang chaTe lab-e-ishtiha pyas bujhti nahin zahr se

muntazir aankh ke des mein koi chhuTTi bhi aaya nahin

kaun aafiyyat-e-dostan laega dusre shahar se

mere andar ki na-puKHtagi jism bahar ke bhi Dah gai

ghar ke ghar zer-e-ab aa gae ek shigafi hui nahr se

meri rae mein 'iqbaal' wo nasl duniya mein hai aur nahin

jis ne baKHsha na kuchh waqt ko jis ne paya na kuchh dahr se