غور سے تو دل کے اندر دیکھ لے

غور سے تو دل کے اندر دیکھ لے

ایک قطرے میں سمندر دیکھ لے

لوٹ کر کیا جانے پھر کب آئے گا

اک نظر اس گھر کو جی بھر دیکھ لے

کوئی رکھوالا ہے تیرے ساتھ ساتھ

اب نہ کھائے گا تجھے ڈر دیکھ لے

اس کا ذمہ ہے کہ ہوگا کامیاب

پھل بنا ہی کام کر کے دیکھ لے

واہمہ انساں کا ہے وجہ فساد

کوئی مسجد کوئی مندر دیکھ لے

وہ جو ملنے کو ہے مجھ سے بے قرار

آستیں میں اس کی خنجر دیکھ لے

گھر ترا ہے کس جگہ میں کیا کہوں

خود ہوں اک عرصے سے بے گھر دیکھ لے