ghaur to kije ki ye sajda-rawa kyun kar hua

ġhaur to kiije ki ye sajda-ravā kyuuñ kar huā

us ne jab kuchh ham se māñgā to ḳhudā kyūñkar huā

ai nigāh-e-shauq is chashm-e-fusūñ-pardāz meñ

vo jo ik pindār thā āḳhir hayā kyūñkar huā

ik tarāzū ishq ke hāthoñ meñ bhī jab hai to vo

ālam-e-sūd-o-ziyāñ se māvarā kyūñkar huā

diin o dānish donoñ hī har moḌ par the dil ke saath

yak-ba-yak dīvāna donoñ se ḳhafā kyūñkar huā

rahzanoñ ke ġhol idhar the rahbaroñ kī bhiiḌ udhar

aa ga.e manzil pe ham ye mojaza kyūñkar huā

ḳhārzār-e-dīn-o-dānish lāla-zār-e-husn-o-ishq

dil kī ik vahshat se tai ye marhala kyūñkar huā

apne zehnī zalzaloñ kā naam jo rakh lo magar

do diloñ kā ik tasādum sāneha kyūñkar huā

terī mahrūmī use jo bhī kahe lekin 'jamīl'

ġhair se us ne vafā kī bevafā kyūñkar huā

ghaur to kije ki ye sajda-rawa kyun kar hua

us ne jab kuchh hum se manga to KHuda kyunkar hua

ai nigah-e-shauq is chashm-e-fusun-pardaz mein

wo jo ek pindar tha aaKHir haya kyunkar hua

ek taraazu ishq ke hathon mein bhi jab hai to wo

aalam-e-sud-o-ziyan se mawara kyunkar hua

din o danish donon hi har moD par the dil ke sath

yak-ba-yak diwana donon se KHafa kyunkar hua

rahzanon ke ghol idhar the rahbaron ki bhiD udhar

aa gae manzil pe hum ye mojaza kyunkar hua

KHarzar-e-din-o-danish lala-zar-e-husn-o-ishq

dil ki ek wahshat se tai ye marhala kyunkar hua

apne zehni zalzalon ka nam jo rakh lo magar

do dilon ka ek tasadum saneha kyunkar hua

teri mahrumi use jo bhi kahe lekin 'jamil'

ghair se us ne wafa ki bewafa kyunkar hua