gawahi dene laga tha mere KHilaf badan

gavāhī dene lagā thā mire ḳhilāf badan

nashe meñ chhū na sakā maiñ vo pāk-sāf badan

tum us kā zikr karo to zabāñ sudhar jaa.e

vo lakhna.ū kā talaffuz vo shiin qaaf badan

maiñ sun rahā thā ḳhud apne zamīr kī āvāz

hazār kartā zarūrat kā inkishāf badan

vo sard raat ragoñ meñ lahū jamā detī

agar maiñ oḌh na letā koī lihāf badan

vo merī jild kī sūrat maḌhā huā mujh par

kasā kasā vo mire jism par ġhilāf badan

mire gunāh pe nārāz to rahā kuchh din

magar zamīr ne phir kar diyā mu'āf badan

gawahi dene laga tha mere KHilaf badan

nashe mein chhu na saka main wo pak-saf badan

tum us ka zikr karo to zaban sudhar jae

wo lakhnau ka talaffuz wo shin qaf badan

main sun raha tha KHud apne zamir ki aawaz

hazar karta zarurat ka inkishaf badan

wo sard raat ragon mein lahu jama deti

agar main oDh na leta koi lihaf badan

wo meri jild ki surat maDha hua mujh par

kasa kasa wo mere jism par ghilaf badan

mere gunah pe naraaz to raha kuchh din

magar zamir ne phir kar diya mu'af badan