gaya tha bazm-e-mohabbat mein Khaali jam liye

gayā thā bazm-e-mohabbat meñ ḳhālī jaam liye

kaTī hai 'umr gadā.ī kā ittihām liye

kahīñ hue bhī jo raushan mohabbatoñ ke charāġh

havā.eñ dauḌ paḌīñ vahshatoñ ke daam liye

tilism-e-rāz na khul jaa.e tañg-bīnoñ par

tumhāre naam se pahle hazār naam liye

bhaTak rahā huuñ maiñ tanhā.iyoñ ke jangal meñ

hayāt raqs meñ hai husn-e-sub.h-o-shām liye

kabhī milī thī jo ik dard-e-nā-rasā kī ḳhalish

maiñ jī rahā huuñ vahī zaḳhm-e-nā-tamām liye

kisī kī yaad meñ aksar yahī huā mahsūs

falak zamīn pe utrā mah-e-tamām liye

milī hai gardish-e-ayyām har zamāne meñ

sahar umiid kī aur jāñ-kanī kī shaam liye

gaya tha bazm-e-mohabbat mein KHali jam liye

kaTi hai 'umr gadai ka ittiham liye

kahin hue bhi jo raushan mohabbaton ke charagh

hawaen dauD paDin wahshaton ke dam liye

tilism-e-raaz na khul jae tang-binon par

tumhaare nam se pahle hazar nam liye

bhaTak raha hun main tanhaiyon ke jangal mein

hayat raqs mein hai husn-e-subh-o-sham liye

kabhi mili thi jo ek dard-e-na-rasa ki KHalish

main ji raha hun wahi zaKHm-e-na-tamam liye

kisi ki yaad mein aksar yahi hua mahsus

falak zamin pe utra mah-e-tamam liye

mili hai gardish-e-ayyam har zamane mein

sahar umid ki aur jaan-kani ki sham liye