gaya wo daur hawaon se tang hone ka

gayā vo daur havāoñ se tañg hone kā

koī malāl nahīñ apne sañg hone kā

basā huā hai nigāhoñ meñ ek hī manzar

baḌā hī shauq thā akkās rañg hone kā

vahī jahān-e-havādis vahī khulī āñkheñ

qarīb-e-marg hai ehsās dañg hone kā

sadā-e-sāz jo bhātī hai do-ghaḌī dil kā

gumān tār-e-nafas pe hai chañg hone kā

mujhe kisī se bhī 'amjad' gila nahīñ maiñ to

talāsh kartā huuñ mauqa dabañg hone kā

khaḌe raho na muqābil har ek ke 'amjad'

ki is tarah se to ḳhatra hai jañg hone kā

gaya wo daur hawaon se tang hone ka

koi malal nahin apne sang hone ka

basa hua hai nigahon mein ek hi manzar

baDa hi shauq tha akkas rang hone ka

wahi jahan-e-hawadis wahi khuli aankhen

qarib-e-marg hai ehsas dang hone ka

sada-e-saz jo bhati hai do-ghaDi dil ka

guman tar-e-nafas pe hai chang hone ka

mujhe kisi se bhi 'amjad' gila nahin main to

talash karta hun mauqa dabang hone ka

khaDe raho na muqabil har ek ke 'amjad'

ki is tarah se to KHatra hai jang hone ka