ghazab hai ek but-e-kafir-ada ne luT liya

ġhazab hai ik but-e-kāfir-adā ne luuT liyā

ki mujh ko banda banā kar ḳhudā ne luuT liyā

ye kis kī bazm meñ kam-baḳht le ga.iiñ nazreñ

nigāh-e-nāz ne maarā hayā ne luuT liyā

jo dil ke paas thā sarmāya-e-havās-o-ḳhirad

nazar ne chhīn liyā aur adā ne luuT liyā

vo dil ki jis ko bachāyā thā dair-o-ka.aba se

tumhāre husn-e-varā-ul-varā ne luuT liyā

nahiñ nasīb jo tāj-e-shahī ko bhī 'qaisar'

mazā vo kāsa-e-dast-e-gadā ne luuT liyā

ghazab hai ek but-e-kafir-ada ne luT liya

ki mujh ko banda bana kar KHuda ne luT liya

ye kis ki bazm mein kam-baKHt le gain nazren

nigah-e-naz ne mara haya ne luT liya

jo dil ke pas tha sarmaya-e-hawas-o-KHirad

nazar ne chhin liya aur ada ne luT liya

wo dil ki jis ko bachaya tha dair-o-kaba se

tumhaare husn-e-wara-ul-wara ne luT liya

nahin nasib jo taj-e-shahi ko bhi 'qaisar'

maza wo kasa-e-dast-e-gada ne luT liya