ghazab hai surma de kar aaj wo bahar nikalte hain

Bhartendu Harishchandra

ghazab hai surma de kar aaj wo bahar nikalte hain

Bhartendu Harishchandra

MORE BYBhartendu Harishchandra

    ġhazab hai surma de kar aaj vo bāhar nikalte haiñ

    abhī se kuchh dil-e-muztar par apne tiir chalte haiñ

    zarā dekho to ai ahl-e-suḳhan zor-e-sanā.at ko

    na.ī bandish hai majnūñ nuur ke sāñche meñ Dhalte haiñ

    burā ho ishq ye haal hai ab terī furqat meñ

    ki chashm-e-ḳhūñ-chakāñ se laḳht-e-dil paiham nikalte haiñ

    hilā deñge abhī ai sañg-dil tere kaleje ko

    hamārī āh-e-ātish-bār se patthar pighalte haiñ

    tirā ubhrā huā siina jo ham ko yaad aatā hai

    to ai rashk-e-parī pahroñ kaf-e-afsos milte haiñ

    kisī pahlū nahīñ chain aatā hai ushshāq ko tere

    taḌapte haiñ fuġhāñ karte haiñ aur karvaT badalte haiñ

    'rasā' hājat nahīñ kuchh raushnī kunj-e-marqad meñ

    bajā.e-sham.a yaañ dāġh-e-jigar har vaqt jalte haiñ

    ghazab hai surma de kar aaj wo bahar nikalte hain

    abhi se kuchh dil-e-muztar par apne tir chalte hain

    zara dekho to ai ahl-e-suKHan zor-e-sanaat ko

    nai bandish hai majnun nur ke sanche mein Dhalte hain

    bura ho ishq ka ye haal hai ab teri furqat mein

    ki chashm-e-KHun-chakan se laKHt-e-dil paiham nikalte hain

    hila denge abhi ai sang-dil tere kaleje ko

    hamari aah-e-atish-bar se patthar pighalte hain

    tera ubhra hua sina jo hum ko yaad aata hai

    to ai rashk-e-pari pahron kaf-e-afsos milte hain

    kisi pahlu nahin chain aata hai ushshaq ko tere

    taDapte hain fughan karte hain aur karwaT badalte hain

    'rasa' hajat nahin kuchh raushni ki kunj-e-marqad mein

    bajae-shama yan dagh-e-jigar har waqt jalte hain

    Source :
    • Book : Bhartendu Samagr (Pg. 269)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY