ghazab hai wo zulfen hai ruKHsar dilkash

ġhazab hai vo zulfeñ hai ruḳhsār dilkash

bhalā kyoñ na hogā vo kirdār dilkash

guzar un ke kūche se aisā lage hai

ki jaise hai bāġhīcha gul-bār dil-kash

mohabbat hai merī mire falsafe haiñ

tumheñ jiit dilkash hameñ haar dilkash

mujhe dekhne ke hī zid pe aḌā hai

sunā hai ki jab se hai bīmār dilkash

vo ik shaḳhs kī ġhair-maujūdgī meñ

hue kab jo hoñge ye ash.ār dilkash

ab aur na satā mujh ko jaldī dikhā tū

vo manzar bache haiñ jo do-chār dilkash

tirī is razā meñ bhī lazzat nahīñ hai

hai un kī zabāñ se bhī inkār dilkash

milā ham se 'hāmid' vo jab bhī jahāñ bhī

mulāqāt hotī hai har baar dilkash

ghazab hai wo zulfen hai ruKHsar dilkash

bhala kyon na hoga wo kirdar dilkash

guzar un ke kuche se aisa lage hai

ki jaise hai baghicha gul-bar dil-kash

mohabbat hai meri mere falsafe hain

tumhein jit dilkash hamein haar dilkash

mujhe dekhne ke hi zid pe aDa hai

suna hai ki jab se hai bimar dilkash

wo ek shaKHs ki ghair-maujudgi mein

hue kab jo honge ye ashaar dilkash

ab aur na sata mujh ko jaldi dikha tu

wo manzar bache hain jo do-chaar dilkash

teri is raza mein bhi lazzat nahin hai

hai un ki zaban se bhi inkar dilkash

mila hum se 'hamid' wo jab bhi jahan bhi

mulaqat hoti hai har bar dilkash