غضب ہے وہ زلفیں ہے رخسار دل کش
غضب ہے وہ زلفیں ہے رخسار دل کش
بھلا کیوں نہ ہوگا وہ کردار دل کش
گزر ان کے کوچہ سے ایسا لگے ہے
کہ جیسے ہے باغیچہ گل بار دلکش
محبت ہے میری مرے فلسفے ہیں
تمہیں جیت دل کش ہمیں ہار دل کش
مجھے دیکھنے کے ہی ضد پہ اڑا ہے
سنا ہے کہ جب سے ہے بیمار دل کش
وہ اک شخص کی غیر موجودگی میں
ہوئے کب جو ہوں گے یہ اشعار دل کش
اب اور نہ ستا مجھ کو جلدی دکھا تو
وہ منظر بچے ہیں جو دو چار دل کش
تری اس رضا میں بھی لذت نہیں ہے
ہے ان کی زباں سے بھی انکار دل کش
ملا ہم سے حامدؔ وہ جب بھی جہاں بھی
ملاقات ہوتی ہے ہر بار دل کش
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
