ghazab ke taish mein wo shoKH-dida aaya tha

ġhazab ke taish meñ vo shoḳh-dīda aayā thā

ba-shakl-e-qahr thā ḳhanjar-kashīda aayā thā

sulūk-e-husn-e-ta.alluq bane ye hañgāma

ki har taraf se burīda ramīda aayā thā

kiyā thā shauq ne betāb diida ne muztar

vo zauq-e-lutf kā lazzat-chashīda aayā thā

vafā-misāl sarāpā niyāz bā-tamkīñ

faqīr pā-e-ba-dāman-kashīda aayā thā

huā na qurb-e-ta.alluq kā iḳhtisās yahāñ

ye rū-shanās zi-rā-e-ba.īda aayā thā

diyā na sāqī-e-ra.anā ne jām-e-kaif-e-murād

salā-e-ām kā shohrā shunīda aayā thā

ghazab ke taish mein wo shoKH-dida aaya tha

ba-shakl-e-qahr tha KHanjar-kashida aaya tha

suluk-e-husn-e-talluq bane ye hangama

ki har taraf se burida ramida aaya tha

kiya tha shauq ne betab dida ne muztar

wo zauq-e-lutf ka lazzat-chashida aaya tha

wafa-misal sarapa niyaz ba-tamkin

faqir pa-e-ba-daman-kashida aaya tha

hua na qurb-e-talluq ka iKHtisas yahan

ye ru-shanas zi-ra-e-baida aaya tha

diya na saqi-e-rana ne jam-e-kaif-e-murad

sala-e-am ka shohra shunida aaya tha