ghazal farogh-e-tajalli-e-tur chahe hai

ġhazal faroġh-e-tajallī-e-tūr chāhe hai

ye sinf husn-e-mujassam kā nuur chāhe hai

ġhazal latāfat-o-shīrīnī-e-bayāñ ke liye

mai-e-shabāb kā kaif-o-surūr chāhe hai

ġhazal ko fikr kī gahrā.iyāñ bhī haiñ matlūb

ġhazal jo husn-e-bayāñ kā shu.ūr chāhe hai

ġhazal saqāfat-o-tahzīb kā hasīñ sangam

rivāyatoñ meñ bhī jiddat zarūr chāhe hai

ġhazal sukūt-e-shab-e-intizār ke bā-vasf

tamām shorish-e-sub.h-e-nushūr chāhe hai

asīr-e-naġhmā-o-āhang hai ġhazal phir bhī

ta.assurāt-e-dil-e-nā-subūr chāhe hai

hikāyat-e-lab-e-dar-ḳhār tak nahīñ mahdūd

ġhazal sarāhat-e-hūr-o-qusūr chāhe hai

bayān-e-husn-o-mohabbat ke saath saath ġhazal

nazākat-e-ġham-e-hastī zarūr chāhe hai

ghazal farogh-e-tajalli-e-tur chahe hai

ye sinf husn-e-mujassam ka nur chahe hai

ghazal latafat-o-shirini-e-bayan ke liye

mai-e-shabab ka kaif-o-surur chahe hai

ghazal ko fikr ki gahraiyan bhi hain matlub

ghazal jo husn-e-bayan ka shuur chahe hai

ghazal saqafat-o-tahzib ka hasin sangam

riwayaton mein bhi jiddat zarur chahe hai

ghazal sukut-e-shab-e-intizar ke ba-wasf

tamam shorish-e-subh-e-nushur chahe hai

asir-e-naghma-o-ahang hai ghazal phir bhi

tassuraat-e-dil-e-na-subur chahe hai

hikayat-e-lab-e-dar-KHar tak nahin mahdud

ghazal sarahat-e-hur-o-qusur chahe hai

bayan-e-husn-o-mohabbat ke sath sath ghazal

nazakat-e-gham-e-hasti zarur chahe hai