ghazal gham ki ek hum sunane lage hain

ġhazal ġham kī ik ham sunāne lage haiñ

bharī bazm kā dil dukhāne lage haiñ

mire saare apne harīfoñ se mil kar

merā zabt phir āzmāne lage haiñ

mohabbat kī bāteñ jo karte the mujh se

mujhe chhoḌ kar ab vo jaane lage haiñ

tirī aas meñ hī chalā jā rahā huuñ

vagarna ye raste thakāne lage haiñ

tumheñ dil se ham ne nikālā nahīñ par

sabhī ḳhat tumhāre jalāne lage haiñ

purāne the jo ġham unheñ bhuul kar ab

na.e ḳhvāb phir ham sajāne lage haiñ

ye duniyā nahīñ hai jagah dil-lagī kī

so dil ham ḳhudā se lagāne lage haiñ

ghazal gham ki ek hum sunane lage hain

bhari bazm ka dil dukhane lage hain

mere sare apne harifon se mil kar

mera zabt phir aazmane lage hain

mohabbat ki baaten jo karte the mujh se

mujhe chhoD kar ab wo jaane lage hain

teri aas mein hi chala ja raha hun

wagarna ye raste thakane lage hain

tumhein dil se hum ne nikala nahin par

sabhi KHat tumhaare jalane lage hain

purane the jo gham unhen bhul kar ab

nae KHwab phir hum sajaane lage hain

ye duniya nahin hai jagah dil-lagi ki

so dil hum KHuda se lagane lage hain