غزل ہو تم یا غزال جاناں

غزل ہو تم یا غزال جاناں

ہر اک ادا بے مثال جاناں

ردا سے ظاہر ہے بے ردائی

ذرا سا آنچل سنبھال جاناں

یہ روپ تیرا یہ حسن تیرا

جمال جاناں کمال جاناں

میں روز مر مر کے جی رہا ہوں

فراق میں ہے وہ حال جاناں

مری محبت امر رہے گی

کبھی نہ ہوگا زوال جاناں

تمہاری چشم کرم سے ہوگی

مری طبیعت بحال جاناں

میں پھر سے تاریک ہو رہا ہوں

مجھے تو پھر سے اجال جاناں

غزل میں الفاظ کچھ بھی کہہ لوں

مگر ہے تو ہی خیال جاناں

او میری دھڑکن تمہارے بن ہے

حیات کاشفؔ محال جاناں