ghazal ka husn hai aur git ka shabab hai wo

ġhazal kā husn hai aur giit kā shabāb hai vo

nasha hai jis meñ suḳhan kā vahī sharāb hai vo

use na dekh mahaktā huā gulāb hai vo

na jaane kitnī nigāhoñ kā intiḳhāb hai vo

misāl mil na sakī kā.enāt meñ us kī

javāb us kā nahīñ koī lā-javāb hai vo

mirī in āñkhoñ ko tābīr mil nahīñ paatī

jise maiñ dekhtā rahtā huuñ aisā ḳhvāb hai vo

na jaane kitne hijāboñ meñ vo chhupā hai magar

nigāh-e-dil se jo dekhūñ to be-hijāb hai vo

ujāle apne luTā kar vo Duub jā.egā

hasīn sub.h kā raḳhshanda āftāb hai vo

vo mujh se pūchhne aayā hai merā haal 'afzal'

jise batā na sakūñ dil meñ iztirāb hai vo

ghazal ka husn hai aur git ka shabab hai wo

nasha hai jis mein suKHan ka wahi sharab hai wo

use na dekh mahakta hua gulab hai wo

na jaane kitni nigahon ka intiKHab hai wo

misal mil na saki kaenat mein us ki

jawab us ka nahin koi la-jawab hai wo

meri in aankhon ko tabir mil nahin pati

jise main dekhta rahta hun aisa KHwab hai wo

na jaane kitne hijabon mein wo chhupa hai magar

nigah-e-dil se jo dekhun to be-hijab hai wo

ujale apne luTa kar wo Dub jaega

hasin subh ka raKHshanda aaftab hai wo

wo mujh se puchhne aaya hai mera haal 'afzal'

jise bata na sakun dil mein iztirab hai wo