ghazal kahne mein yun to koi dushwari nahin hoti
ġhazal kahne meñ yuuñ to koī dushvārī nahīñ hotī
magar ik mas.ala ye hai ki meyārī nahīñ hotī
agar chehra badalne kā hunar tum ko nahīñ aatā
to phir pahchān kī parchī yahāñ jaarī nahīñ hotī
samundar se to majbūrī hai us kī roz milnā hai
bahut chālāk hai lekin nadī khārī nahīñ hotī
batā.ūñ kyā mujhe mohtāt rahnā aa gayā kaise
na jaane mujh pe kyuuñ vahshat koī taarī nahīñ hotī
sipāhī se sipah-sālār banñā kitnā āsāñ hai
magar majbūr huuñ maiñ mujh se ġhaddārī nahīñ hotī
havā kī shart ham kyuuñ mānte kyuuñ is tarah dabte
hameñ gar saañs lene kī ye bīmārī nahīñ hotī
ghazal kahne mein yun to koi dushwari nahin hoti
magar ek masala ye hai ki meyari nahin hoti
agar chehra badalne ka hunar tum ko nahin aata
to phir pahchan ki parchi yahan jari nahin hoti
samundar se to majburi hai us ki roz milna hai
bahut chaalak hai lekin nadi khaari nahin hoti
bataun kya mujhe mohtat rahna aa gaya kaise
na jaane mujh pe kyun wahshat koi tari nahin hoti
sipahi se sipah-salar banna kitna aasan hai
magar majbur hun main mujh se ghaddari nahin hoti
hawa ki shart hum kyun mante kyun is tarah dabte
hamein gar sans lene ki ye bimari nahin hoti
- Book : Muhaz Par mein (Poetry) (Pg. 96)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
