ghazal ko apni maine sach ke baam-o-dar pe rakkha hai

ġhazal ko apnī maiñ ne sach ke bām-o-dar pe rakkhā hai

mire sheroñ ko us ne tanz ke ḳhanjar pe rakkhā hai

manātā huuñ maiñ aksar ratjage rātoñ ke āñgan meñ

shikasta ḳhvāb kā TukḌā mire bistar pe rakkhā hai

bas itnā soch kar ta.abīr kī sūrat koī nikle

purāne ḳhvāb ko maiñ ne na.e manzar pe rakkhā hai

sitam kī dhuup se bachne kī ḳhātir oḌh letā huuñ

buzurgoñ kī duā kā harf jis chādar pe rakkhā hai

luTā baiThe haiñ apnā kārvāñ anjān rāhoñ meñ

bharosa jab kabhī ham ne kisī rahbar pe rakkhā hai

duā de kar guzar jaate haiñ rahrav jānib-e-manzil

jalā kar ik diyā maiñ ne jo apne dar pe rakkhā hai

mire bachche baḌe ho kar uThā leñge use ik din

zarūrat kā pahāḌ ab tak jo mere sar pe rakkhā hai

zarā dekhe koī shān-e-faqīrī ai 'sa.īd' apnī

ki tāj-o-taḳht ko ham ne sadā Thokar pe rakkhā hai

ghazal ko apni main ne sach ke baam-o-dar pe rakkha hai

mere sheron ko us ne tanz ke KHanjar pe rakkha hai

manata hun main aksar ratjage raaton ke aangan mein

shikasta KHwab ka TukDa mere bistar pe rakkha hai

bas itna soch kar tabir ki surat koi nikle

purane KHwab ko main ne nae manzar pe rakkha hai

sitam ki dhup se bachne ki KHatir oDh leta hun

buzurgon ki dua ka harf jis chadar pe rakkha hai

luTa baiThe hain apna karwan anjaan rahon mein

bharosa jab kabhi hum ne kisi rahbar pe rakkha hai

dua de kar guzar jate hain rahraw jaanib-e-manzil

jala kar ek diya main ne jo apne dar pe rakkha hai

mere bachche baDe ho kar uTha lenge use ek din

zarurat ka pahaD ab tak jo mere sar pe rakkha hai

zara dekhe koi shan-e-faqiri ai 'said' apni

ki taj-o-taKHt ko hum ne sada Thokar pe rakkha hai