ghazlen likh likh pagal hone wala hun
ġhazleñ likh likh pāgal hone vaalā huuñ
jhuuT nahīñ ab sach meñ rone vaalā huuñ
bāteñ karnā phone pe jaan ab chhoḌo bhī
ḳhvāb meñ aao maiñ bhī sone vaalā huuñ
haath pakaḌ kar rok lo merī jaan mujhe
phir duniyā kī bhiiḌ meñ khone vaalā huuñ
aur na mailā kar duuñ us ke dāman ko
daaġh jo us ke dil se dhone vaalā huuñ
us ko kis ummīd pe apnā bol diyā
maiñ to aur kisī kā hone vaalā huuñ
galī galī bahlātā phirtā bachchoñ ko
tum samjho ik shaḳhs khilaune vaalā huuñ
kāġhaz ke ye phuul mahakte thoḌī haiñ
maiñ lafzoñ ke haar pirone vaalā huuñ
ghazlen likh likh pagal hone wala hun
jhuT nahin ab sach mein rone wala hun
baaten karna phone pe jaan ab chhoDo bhi
KHwab mein aao main bhi sone wala hun
hath pakaD kar rok lo meri jaan mujhe
phir duniya ki bhiD mein khone wala hun
aur na maila kar dun us ke daman ko
dagh jo us ke dil se dhone wala hun
us ko kis ummid pe apna bol diya
main to aur kisi ka hone wala hun
gali gali bahlata phirta bachchon ko
tum samjho ek shaKHs khilaune wala hun
kaghaz ke ye phul mahakte thoDi hain
main lafzon ke haar pirone wala hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
