ghazlon se tajsim hui takmil hui

ġhazloñ se tajsīm huī takmīl huī

nuqte nuqte se merī tarsīl huī

noch rahī hai ruuh ke reshe reshe ko

ik ḳhvāhish thī rafta-rafta chiil huī

marne lagā rag-rag meñ saffākī kā zahr

shahr-e-dil kī āb-o-havā tabdīl huī

ek jahān-e-lā-yā’nī ġharqāb huā

ek jahān-e-mā’nī kī tashkīl huī

misr-e-jāñ 'sāqib' sabz-o-shādāb huā

aañkh mirī jab se dariyā-e-nīl huī

ghazlon se tajsim hui takmil hui

nuqte nuqte se meri tarsil hui

noch rahi hai ruh ke reshe reshe ko

ek KHwahish thi rafta-rafta chil hui

marne laga rag-rag mein saffaki ka zahr

shahr-e-dil ki aab-o-hawa tabdil hui

ek jahan-e-la-ya’ni gharqab hua

ek jahan-e-ma’ni ki tashkil hui

misr-e-jaan 'saqib' sabz-o-shadab hua

aankh meri jab se dariya-e-nil hui