ghabra gae the rah ko pur-Khaar dekh kar

ghabrā ga.e the raah ko pur-ḳhār dekh kar

himmat bañdhī hai qāfila-e-sālār dekh kar

logoñ ko un pe aaj bhī hai rashk aa rahā

be-dām bik ga.e jo ḳharīdār dekh kar

aaqā tumhāre dam se hai rañgīni-e-hayāt

ham jī rahe haiñ bārish-e-anvār dekh kar

chhāñv meñ koī jal rahā hai ye ḳhabar na thī

aa.e the ham to sāya-e-dīvār dekh kar

phir lauT kar na jā sake is rāhguzar se

Thahre the yūñhī zīnat-e-bāzār dekh kar

har zaḳhm ab gulāb kī mānind surḳh hai

jī ḳhush huā hai shiddat-e-āzār dekh kar

ghabra gae the rah ko pur-KHar dekh kar

himmat bandhi hai qafila-e-salar dekh kar

logon ko un pe aaj bhi hai rashk aa raha

be-dam bik gae jo KHaridar dekh kar

aaqa tumhaare dam se hai rangini-e-hayat

hum ji rahe hain barish-e-anwar dekh kar

chhanw mein koi jal raha hai ye KHabar na thi

aae the hum to saya-e-diwar dekh kar

phir lauT kar na ja sake is rahguzar se

Thahre the yunhi zinat-e-bazar dekh kar

har zaKHm ab gulab ki manind surKH hai

ji KHush hua hai shiddat-e-azar dekh kar