ghaDi-do-ghaDi ke liye kabhi jo tum aae bhi wahi shan se

ghaḌī-do-ghaḌī ke liye kabhī jo tum aa.e bhī vahī shaan se

hameñ shikva hai to isī kā hai kabhī hausle se milā karo

abhī āsmāñ kī jo hai nazar to usī kā zo.am hai har taraf

ye to vaqt vaqt kī baat hai mire haal par na hañsā karo

kabhī lāla-zār thā ye chaman jo ki ab ḳhizāñ meñ badal gayā

kahīñ bāġhbāñ kā patā nahīñ chalo baḌh ke us kā patā karo

jo sañvar sake to sañvār do mire kār-zār-e-hayāt ko

jo sitam huā vo bahut huā na sitam ab is se sivā karo

ye abhī abhī jo mirī taraf se nazar bachā ke guzar ga.e

ye vahī haiñ log jo kahte the ki milā ke haath chalā karo

mirā dil bhī ḳhuuñ hai jigar bhī ḳhuuñ jo gila hai tum se vo kyā kahūñ

ise lo bayāz-e-'nasīm' hai kabhī dil kahe to paḌhā karo

ghaDi-do-ghaDi ke liye kabhi jo tum aae bhi wahi shan se

hamein shikwa hai to isi ka hai kabhi hausle se mila karo

abhi aasman ki jo hai nazar to usi ka zoam hai har taraf

ye to waqt waqt ki baat hai mere haal par na hansa karo

kabhi lala-zar tha ye chaman jo ki ab KHizan mein badal gaya

kahin baghban ka pata nahin chalo baDh ke us ka pata karo

jo sanwar sake to sanwar do mere kar-zar-e-hayat ko

jo sitam hua wo bahut hua na sitam ab is se siwa karo

ye abhi abhi jo meri taraf se nazar bacha ke guzar gae

ye wahi hain log jo kahte the ki mila ke hath chala karo

mera dil bhi KHun hai jigar bhi KHun jo gila hai tum se wo kya kahun

ise lo bayaz-e-'nasim' hai kabhi dil kahe to paDha karo