ghar ko kaisa bhi tum saja rakhna
ghar ko kaisā bhī tum sajā rakhnā
kahīñ ġham kā bhī dāḳhila rakhnā
gar kisī ko samajhnā apnā tum
dhoka khāne kā hausla rakhnā
itnī qurbat kisī se mat rakkho
kuchh zarūrī hai fāsla rakhnā
in kī har baat mīThī hotī hai
jhūTī bātoñ kā mat gila rakhnā
zindagī ek baar miltī hai
us ko jiine kā hausla rakhnā
nā-umīdī ko kufr kahte haiñ
rab se ummīd 'āsifa' rakhnā
ghar ko kaisa bhi tum saja rakhna
kahin gham ka bhi daKHila rakhna
gar kisi ko samajhna apna tum
dhoka khane ka hausla rakhna
itni qurbat kisi se mat rakkho
kuchh zaruri hai fasla rakhna
in ki har baat miThi hoti hai
jhuTi baaton ka mat gila rakhna
zindagi ek bar milti hai
us ko jine ka hausla rakhna
na-umidi ko kufr kahte hain
rab se ummid 'asifa' rakhna
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
