ghar ko maidan hamein be-sar-o-saman kiya

ghar ko maidān hameñ be-sar-o-sāmān kiyā

āñdhiyo tum ne bhare shahr ko vīrān kiyā

kaam dushvār thā ham ne ise āsān kiyā

kāġhazī phuul se titlī ko pareshān kiyā

apnī rūdād raqam kī to ik uslūb se kī

dard ko matn kiyā zaḳhm ko 'unvān kiyā

ye virāsat ka.ī sadiyoñ se chalī aatī hai

ghar pe dushman bhī koī aaya to mehmān kiyā

mashġhala she'r-o-suḳhan kā nahīñ āsāñ sāhib

dard-o-ġham kitne kiye jam' to dīvān kiyā

faisla panch ne kuchh aur sunāyā lekin

gaañv ke logoñ ne kuchh aur hī e'lān kiyā

maiñ use kaise sar-āñkhoñ pe biThātā 'shādāb'

jis ne sammān jatā kar mirā apmān kiyā

ghar ko maidan hamein be-sar-o-saman kiya

aandhiyo tum ne bhare shahr ko viran kiya

kaam dushwar tha hum ne ise aasan kiya

kaghazi phul se titli ko pareshan kiya

apni rudad raqam ki to ek uslub se ki

dard ko matn kiya zaKHm ko 'unwan kiya

ye wirasat kai sadiyon se chali aati hai

ghar pe dushman bhi koi aaya to mehman kiya

mashghala she'r-o-suKHan ka nahin aasan sahib

dard-o-gham kitne kiye jam' to diwan kiya

faisla panch ne kuchh aur sunaya lekin

ganw ke logon ne kuchh aur hi e'lan kiya

main use kaise sar-ankhon pe biThata 'shadab'

jis ne samman jata kar mera apman kiya