گھر میں نہ جاؤ غیر کے مت یہ ستم کرو

گھر میں نہ جاؤ غیر کے مت یہ ستم کرو

آؤ غریب خانے ہی تک ٹک کرم کرو

شاید وہ چاہنے لگے مجھ کو بھی دوستو

ٹک اس کے دل پہ سورۂ اخلاص دم کرو

ملنا زیادہ غیروں سے کچھ خوب تو نہیں

مانو کہا تم ان سے ملاقات کم کرو

جز حال دل جو خط میں لکھوں اور کچھ تمہیں

تو ہاتھ میرے شوق سے صاحب قلم کرو

مقصود دل حصول ہوا مجھ کو دیر میں

سنتے ہو زاہدو تمہیں طوف حرم کرو

افسوسؔ کو تو واعظو کہتے ہو بد ولے

تب جانیں رام تم کوئی ایسا صنم کرو