ghar mera tha aur is mein basar tumne kiya hai

ghar merā thā aur is meñ basar tum ne kiyā hai

āñgan ko mere rāhguzar tum ne kiyā hai

zarroñ ko mere shams-o-qamar tum ne kiyā hai

āfāq ko tā-hadd-e-nazar tum ne kiyā hai

ab is kī ghanī chhāñv hī sarmāya-e-jāñ hai

ehsās ke paude ko shajar tum ne kiyā hai

dīvār pe ik jaltā diyā rakkhā thā maiñ ne

ruḳh saarī havāoñ kā idhar tum ne kiyā hai

har lamha mujhe miltī hai sāñsoñ se gavāhī

mere liye ḳhushbū kā safar tum ne kiyā hai

ghar mera tha aur is mein basar tum ne kiya hai

aangan ko mere rahguzar tum ne kiya hai

zarron ko mere shams-o-qamar tum ne kiya hai

aafaq ko ta-hadd-e-nazar tum ne kiya hai

ab is ki ghani chhanw hi sarmaya-e-jaan hai

ehsas ke paude ko shajar tum ne kiya hai

diwar pe ek jalta diya rakkha tha main ne

ruKH sari hawaon ka idhar tum ne kiya hai

har lamha mujhe milti hai sanson se gawahi

mere liye KHushbu ka safar tum ne kiya hai