ghar mere aate aate wo dilbar palaT gaya

ghar mere aate aate vo dilbar palaT gayā

vo kyā palaT gayā ki muqaddar palaT gayā

hangām-e-qatl dekhne paa.e na shakl ham

talvār maar kar vo sitamgar palaT gayā

mujh se faqīr ko na diyā chain ishq ne

takiya ulaT gayā kabhī bistar palaT gayā

ai yaar dekh kar tirī qāmat kī rāstī

gulzār meñ har ek sanobar palaT gayā

nārāz ho ke phir jo ga.e tum shab-e-visāl

merā nasīb ai mah-e-anvar palaT gayā

āñkheñ phirā ke tum ne dikhāyā jo ḳhāl-o-ḳhad

barham kachahrī ho ga.ī daftar palaT gayā

kyā sar-nigūñ zamāna huā mere sāmne

sar par har ek shaah ke afsar palaT gayā

ghar mere aate aate wo dilbar palaT gaya

wo kya palaT gaya ki muqaddar palaT gaya

hangam-e-qatl dekhne pae na shakl hum

talwar mar kar wo sitamgar palaT gaya

mujh se faqir ko na diya chain ishq ne

takiya ulaT gaya kabhi bistar palaT gaya

ai yar dekh kar teri qamat ki rasti

gulzar mein har ek sanobar palaT gaya

naraaz ho ke phir jo gae tum shab-e-visal

mera nasib ai mah-e-anwar palaT gaya

aankhen phira ke tum ne dikhaya jo KHal-o-KHad

barham kachahri ho gai daftar palaT gaya

kya sar-nigun zamana hua mere samne

sar par har ek shah ke afsar palaT gaya