ghar nahin basti nahin shor-e-fughan chaaron taraf hai

ghar nahīñ bastī nahīñ shor-e-fuġhāñ chāroñ taraf hai

ek chauthā.ī zamīñ par āsmāñ chāroñ taraf hai

dauḌte haiñ rāt-din tiin aañkh bārah haath vaale

sard sannāTe meñ āvāz-e-sagāñ chāroñ taraf hai

launcher rocket Clashnikof bārūdī surañgeñ

ḳhuun kā dariyā pahāḌoñ meñ ravāñ chāroñ taraf hai

jism hai to sar nahīñ sar hai to dast-o-pā nahīñ

arz-e-pur-asrār meñ hū kā samāñ chāroñ taraf hai

surma.ī kohsār kī choTī pe barfānī parinda

bas ki gul kī chaah meñ gasht-e-ḳhizāñ chāroñ taraf hai

ishāre se alāmat tak zabāñ ḳhāmosh merī

kal 'zubair' apnā thā aaj us kā ziyāñ chāroñ taraf hai

ghar nahin basti nahin shor-e-fughan chaaron taraf hai

ek chauthai zamin par aasman chaaron taraf hai

dauDte hain raat-din tin aankh barah hath wale

sard sannaTe mein aawaz-e-sagan chaaron taraf hai

launcher rocket Clashnikof barudi surangen

KHun ka dariya pahaDon mein rawan chaaron taraf hai

jism hai to sar nahin sar hai to dast-o-pa nahin

arz-e-pur-asrar mein hu ka saman chaaron taraf hai

surmai kohsar ki choTi pe barfani parinda

bas ki gul ki chah mein gasht-e-KHizan chaaron taraf hai

ishaare se alamat tak zaban KHamosh meri

kal 'zubair' apna tha aaj us ka ziyan chaaron taraf hai