ghar se bahar kabhi nikla kije

ghar se bāhar kabhī niklā kiije

'hashamī' galiyoñ meñ Tahlā kiije

husn bātoñ meñ bhī paidā kiije

sāmne aa.ina rakkhā kiije

kyuuñ kisī aur ko rusvā kiije

ab ke apnā hī tamāshā kiije

pahle ḳhud aap ko parkhā kiije

aur phir shikva-e-duniyā kiije

kahīñ suulī na samajh le koī

apnī bāñhoñ ko na kholā kiije

sochiye phuul khilā hai kyā kyā

sūrat-e-sañg na dekhā kiije

itnī fursat bhī kise hai lekin

gāhe-gāhe hameñ pūchhā kiije

har koī muñh meñ zabāñ rakhtā hai

roktā kaun hai bolā kiije

ye bhī andāz hai ik chhupne kā

is qadar paas na aayā kiije

aane lagtī hai shikastoñ kī sadā

aise ḳhāmosh na baiThā kiije

rabt bhī rakhtā hai mā'nī apne

baat be-bāt na Tokā kiije

'hashamī' ġham ne phir añgḌā.ī lī

'hashamī' phir ġhazal inshā kiije

ghar se bahar kabhi nikla kije

'hashami' galiyon mein Tahla kije

husn baaton mein bhi paida kije

samne aaina rakkha kije

kyun kisi aur ko ruswa kije

ab ke apna hi tamasha kije

pahle KHud aap ko parkha kije

aur phir shikwa-e-duniya kije

kahin suli na samajh le koi

apni banhon ko na khola kije

sochiye phul khila hai kya kya

surat-e-sang na dekha kije

itni fursat bhi kise hai lekin

gahe-gahe hamein puchha kije

har koi munh mein zaban rakhta hai

rokta kaun hai bola kije

ye bhi andaz hai ek chhupne ka

is qadar pas na aaya kije

aane lagti hai shikaston ki sada

aise KHamosh na baiTha kije

rabt bhi rakhta hai ma'ni apne

baat be-baat na Toka kije

'hashami' gham ne phir angDai li

'hashami' phir ghazal insha kije