ghar se tere akele bhale ja rahe hain hum

ghar se tire akele bhale jā rahe haiñ ham

kuchh duur saath chal ki chale jā rahe haiñ ham

ḳhud kī baneñge vaj.h-e-tabāhī ham ek din

ik hādisa haiñ bas-ki Tale jā rahe haiñ ham

maddham huī hai kaise achānak ye raushnī

ye din Dhalā hai yā ki Dhale jā rahe haiñ ham

bāhar kī aag ham ko mayassar na ho sakī

andar sulag sulag ke jale jā rahe haiñ ham

ghar se tere akele bhale ja rahe hain hum

kuchh dur sath chal ki chale ja rahe hain hum

KHud ki banenge wajh-e-tabahi hum ek din

ek hadisa hain bas-ki Tale ja rahe hain hum

maddham hui hai kaise achanak ye raushni

ye din Dhala hai ya ki Dhale ja rahe hain hum

bahar ki aag hum ko mayassar na ho saki

andar sulag sulag ke jale ja rahe hain hum