ghar se wo ghairat-e-pari nikla

ghar se vo ġhairat-e-parī niklā

mar gayā koī koī jī niklā

apnā armāñ nahīñ kabhī niklā

kab koī matlab-e-dilī niklā

isī hasrat meñ tan se jī niklā

jī kā armāñ na ek bhī niklā

dushman apnā na dost hī niklā

charḳh bhī darpa.e-badī niklā

da.avā-e-ishq ham ko thā ab tak

ġhair bhī aaj mudda'ī niklā

gāliyāñ tak bhī mujh ko dete nahīñ

is meñ kyā lutf-e-dushmanī niklā

hijr kā roz hai ġhazab ḳhūñḳhār

ki jahāñ aayā ḳhuun pī niklā

abhī baiThe raho mirī bar meñ

dil kā armāñ nahīñ abhī niklā

jis ko kal us ne qatl kar Daalā

vo hamārā hī aadmī niklā

lab-e-mai-gūñ ke ishq meñ ab to

mohtasib bhī sharāb pī niklā

hijr-e-jānāñ hai yā ki maut mirī

vo uThā bar se tan se jī niklā

haif us rashk-e-zohra yūsuf kā

ġhair-manhūs mushtarī niklā

gāliyāñ dete jaao dil le lo

ye nayā tarz-e-dilbarī niklā

maut kyā apnī jaan le jaatī

aañkh jo khol dī vahī niklā

lab-e-jāñ-baḳhsh mat hilā qātil

jo huā qatl vo hī jī niklā

samjhe bulbul ko ham the ālam-e-ishq

ik gulistāñ kā mubtadī niklā

chaar kā go ġhalat huā dā'vā

ek bosa to vājibī niklā

ġhair ko chaar ham ko bose do

ḳhuub qānūn-e-munsifī niklā

ham ye samjhe ki bas vahī aayā

shab-e-hijrāñ meñ jo koī niklā

vā'da-e-vasl kī jo iifā meñ

na unheñ 'uzr koī bhī niklā

bole qaa.il hī kar diyā ham ko

tū baḌā koī mantiqī niklā

'sehr' ham rind jānte the tujhe

tū to pahuñchā huā valī niklā

ghar se wo ghairat-e-pari nikla

mar gaya koi koi ji nikla

apna arman nahin kabhi nikla

kab koi matlab-e-dili nikla

isi hasrat mein tan se ji nikla

ji ka arman na ek bhi nikla

dushman apna na dost hi nikla

charKH bhi darpae-badi nikla

dawa-e-ishq hum ko tha ab tak

ghair bhi aaj mudda'i nikla

galiyan tak bhi mujh ko dete nahin

is mein kya lutf-e-dushmani nikla

hijr ka roz hai ghazab KHunKHar

ki jahan aaya KHun pi nikla

abhi baiThe raho meri bar mein

dil ka arman nahin abhi nikla

jis ko kal us ne qatl kar Dala

wo hamara hi aadmi nikla

lab-e-mai-gun ke ishq mein ab to

mohtasib bhi sharab pi nikla

hijr-e-jaanan hai ya ki maut meri

wo uTha bar se tan se ji nikla

haif us rashk-e-zohra yusuf ka

ghair-manhus mushtari nikla

galiyan dete jao dil le lo

ye naya tarz-e-dilbari nikla

maut kya apni jaan le jati

aankh jo khol di wahi nikla

lab-e-jaan-baKHsh mat hila qatil

jo hua qatl wo hi ji nikla

samjhe bulbul ko hum the aalam-e-ishq

ek gulistan ka mubtadi nikla

chaar ka go ghalat hua da'wa

ek bosa to wajibi nikla

ghair ko chaar hum ko bose do

KHub qanun-e-munsifi nikla

hum ye samjhe ki bas wahi aaya

shab-e-hijran mein jo koi nikla

wa'da-e-wasl ki jo ifa mein

na unhen 'uzr koi bhi nikla

bole qail hi kar diya hum ko

tu baDa koi mantiqi nikla

'sehr' hum rind jaante the tujhe

tu to pahuncha hua wali nikla