ghar yar ka humse dur paDa gai humse rahat ek taraf

ghar yaar kā ham se duur paḌā ga.ī ham se rāhat ek taraf

dil ek taraf aah ek taraf milne kī hasrat ek taraf

hai maut kā rañg mirā jīvnā jiyūñ dhundlā charāġh huuñ maiñ

sakrāt kī zulmat ek taraf hastī kī tohmat ek taraf

jī aa rahā dīda-e-tar meñ mujhe dam lene kī taab nahīñ

zo.af ek taraf dard ek taraf aur kāhish-e-tāqat ek taraf

juuñ musht-e-sipand mire a.azā jal dil ke añgāre se uḌte haiñ

dāġhoñ kā mahshar ek taraf nāloñ kī qayāmat ek taraf

dil haat de yaar ke kyūñke liyūñ pher aah jahāñ kī malāmat se

jī leve hai ġhairat ek taraf maare hai muravvat ek taraf

ġhul hai pathrāv hai laḌkoñ kā ik aah kā laTh hai haat mire

hai saarā aalam ek taraf dīvāna-e-'uzlat' ek taraf

ghar yar ka hum se dur paDa gai hum se rahat ek taraf

dil ek taraf aah ek taraf milne ki hasrat ek taraf

hai maut ka rang mera jiwna jiyun dhundla charagh hun main

sakraat ki zulmat ek taraf hasti ki tohmat ek taraf

ji aa raha dida-e-tar mein mujhe dam lene ki tab nahin

zoaf ek taraf dard ek taraf aur kahish-e-taqat ek taraf

jun musht-e-sipand mere aaza jal dil ke angare se uDte hain

daghon ka mahshar ek taraf nalon ki qayamat ek taraf

dil hat de yar ke kyunke liyun pher aah jahan ki malamat se

ji lewe hai ghairat ek taraf mare hai murawwat ek taraf

ghul hai pathraw hai laDkon ka ek aah ka laTh hai hat mere

hai sara aalam ek taraf diwana-e-'uzlat' ek taraf